මේ තරම් ලේ ගලාගිය බිමක
වෙව්ලනා දෑතකින් අකුරු කරනා අතර
කවි පෙළක ගලායන රිද්මයක් පිළිබඳව
වෙහෙසෙන්න අවංකව නොහැක මට
කටුක රළු වදන් වැල් අතර මැද
පොරබදන ආත්මය දැකගන්න
තාලයක් නොමැති පද පේළියක් කෙළවරක
ජීවිතය කෙරෙහි බැඳි ආලයක් විඳගන්න
සගය මා නොසොයන්න
මා දරන පාපයේ කුරුස බර දැකගන්න
මේ විඳින වේදනාවෙන් බිඳක් නුඹට ඇණ
දුන්නාට චෝදනා නොකරන්න
සමාවට කරුණු නොම විමසන්න
හමාගිය සුළඟකදි පමා විය ඇහැරෙන්න
මගිය මඟ නොදත් මා අමතන්න
අගය නිම කළ නොහැකි සිහිනයක් තියේ මට
මඟ සොයන අතරතුර පෙන්වන්න
~ රුවන් නෙලූ
28/07/2015
No comments:
Post a Comment