Monday, May 9, 2016
සිංහයා
කොළඹ වීදිය කොණක
යකඩ පාළම මෙපිට
බීර හල් දොරක සිට
දිනක් මට සිංහයෙක් ඉඟි කළා
බීර වීදුරු හතක්
තැම්බු කඩලත් සමඟ
හිස් කළායින් පසුව
සිංහයා හෙමින් දොඩමළු වුණා
කන්තෝරු වහල යට
ලොක්කන්ගෙ දෙපා මුල
නූහුලන අපහාස
විඳින්නෙ ලු සිංහයා
ලයිට් බිල් වතුර බිල්
ගෙවල් කුළි හාල් පොල්
පඩි පතෙන් විසඳන්න
බැරුවාලු සිංහයා
සුප්පාට අකැමැති ලු අම්මා
ගෙදරම ලු නංගිලා දෙන්නා
හොරෙන් කැන්දාන ආ
ආදරේ පහු දොරින්
පැන ගිහින් යැයි කියයි සිංහයා
සිංහ බා නූපන් ශෝකයෙන්
සුප්පාව කෙරෙහි ම කෝපයෙන්
හතර ගාතෙන් ගෙදර ගොඩවී
තළනව ලු සුප්පාට සිංහයා
පරපුරක අවසාන පුරුක ලු
විසඳුමක් පේන මානෙක නෑ ලු
හිර කරපු හිතක් මී විතක් ළඟ දිග ඇරන්
සුසුම් ලා හිනා වුණි සිංහයා
~ රුවන් නෙලූ
28/08/2014
Subscribe to:
Post Comments (Atom)
2014 ලිව්වත් තාමත් වලංගුයි. අවලංගු වෙන එකක් නැහැ කවදාවත්.
ReplyDelete